Mal ne Schweizerin tut euch ach gut...
  Startseite
  Über...
  Archiv
  Mein Leben
  Gästebuch
  Kontakt

   Benjamin Huggel
   Alex Frei
   David und Philipp Degen
   Marco Streller
   DTH
   Dramaqueen

http://myblog.de/schoefli

Gratis bloggen bei
myblog.de





Meine E-mail an Luca...

Heey Bärli!

So, jetzt schriib i mol, was genau zu minera sch*** luna am Donschtig gfüart het. I muass dr aifach no säga, dass nid dia History dr Grund isch, sondern s verzella drvo. I kann dia "Gschicht" kalt und einigermassa "locker" verzella, aber am nögschta Tag bin i unusstehlich, zimmli down und depressiv. As isch aifach so, i kann au nüd macha. I läba aifach dia 4.5 Johr nommol durra und eba, beschriiba kann i das nid.

As wird as langs Mail, aber du wetsches jo genau wüssa...

Fömmer mol ganz am Ahfang a:

Irgend aswen zwüscham September und Dezember 2001:

I und "mini" Maitla us dr 6. Klass (insgesammt simmer 7 gsi) hän beschlossa, dass üsers wichtigschta ghaimnis (und das isch s ainziga gsi, wo mer alle 7 kha hän) ändli an d öffentlichkait kho sötti. Denn miar sin nid dia erschta Maitla gsi, wo das ghaimnis hän (kha hän). Mini Mitschüalerinna hän beschlossa, dass miar das üserna Eltera sägen. I hans eigenlich nid wella mina Eltera säga, will i gwüsst han was sie macha werden (bzw. i hans vermuatet). Aber dia andara hän agfanga mit "Wenns du nid saisch, denn sägen miars" und so. Drumm simmer denn glich zu miar Hai ganga und häns minera Mum gsait. Nai, nid miar häns gsait, i han gschwiiga, will i hans nid wella säga. Dia andara häns gsait. (Du muasch jetzt nid dänka, dass i dr Lehrer möga han, nai i han ihn khasst, aber i han g ahnt, ewas d Folga sie werden). Denn isch das kho, wo i erwartet han, mini Eltara häns am Schualrot gsait. I han aber nüd derfo gwüss. Das isch erscht spöter ussa kho.


Ca. 15. Januar 2002 (und a paar Wucha spöter)

Zerscht hets khaissa, üsera Lehrer segi krank und miar heigen aifach kai Schual (miar hän 1 Wucha kai Schual kha). Denn isch aber ussa kho, dass er wäga Sexuellaübergriff uf minderjörigi Schüalerinna suschpendiart worda isch und a Untersuachig gega ihn ind Wäg glaitet worda isch. Sofort het ma gsait, i seigi dSchuld und heigi mi nid and Abmachig khalta. (Alli Eltara vo üs Maitla sin mol zämma gsässa und beschlossa, dass nüd gmacht wird, ma loht das aifach so wias isch.) I bin denn als klägerin und was waiss i abgstämpflet worda. Immerwieder han i khöra müassa "Du hesch ihn aklagt! Du hesch sis Läba zerstört! Werum kasch du di nia an abmachiga halta?!?!" Niamert het wella begrifa, dass i gar nid gwüsst han, dass mini eltara das machen (gmacht hän) und dass alles übemer min Kopf awäg bestumma worda isch.


Ungefär im März 2002 (und ei Monet spöter)

Dia ganzi Sach isch ans Kantolalagricht ganga. Bis jetzt het no kai Zitig oder so öppis mitgriagt bzw. het öppis gschriiba. Miar hän alli müassa ussäga. Das haisst, miar HÄTTEN alli müassa. Aber wo's denn um d Sach ganga isch, isch bi gwüssa Maitla nia öppis gsi. (4 vo 7 sin ganga, alli unterem Druck vo Ihrna Eltara und 3 vo dena ELtera sin fan vu dem Lehrer gsi). "Er het nüd gmacht" oder "Nai, bi miar isch das nia so gsi" hets denn uf aimol khaissa. I han das erscht viel spöter erfahra. Erscht denn, wo dr Untersuachigsbricht kho isch und s khaissa het "Wegen mangelnder Beweise Untersuchung eingestellt". Ai Typ, het sogar gsait, er "het nüd gseh". Du waisch hoffentli, was das haisst. Han nüt gseh bedütet soviel wia han nüd wella gseh. I han denn eba das gsait, wo dia andara bi miar dahai gsait hän, will i nüd meh gwüsst han. I han nümma gwüsst was passiart isch. Denn i hans nümma wüssa wella. I han ändli wella, dass alles verbi isch und i ändli mini Rua han.
Ai Monet spöter han i nomol ins Kantonalagricht go müassa. Nomo! A detailierteri Ussag! Aber as isch no länger här gsi und i han no weniger gwüsst. Und vorallem han i immer im Unterbewusstsi gspürt, dass es alli aigentli aschisst. D stazanwältin, mini Betreuerin und dr Schualrot. Au hani gwüsst, dass im Zimmer näbadra min Ex-Lehrer sitzt und alles mitgriagt. Er hets übera Vide"überwachig mitvervogt, sich Notiza gmacht, alles mit sinem (sch***) Alwalt besprocha und denn dia Froga an mi gstellt. I waiss nid ob du diar kasch vorstella, wia scheisse i miar vorkho bin.


Dia kommenda Johr bis ins 2005

I bin vo denn a immer s arsch in dera Schual gsi, niamert het freiwillig mit miar greded geschweige denn mit miar öppis gmacht oder näba mi anagsässa. (As isch nid numma mini Klass gsi, das wär jo no ganga, nai as isch dia ganz Oberstufa gsie.... und das sin +/- 75 SchüalerInna). Wenn i verbigloffa bin, bin i wia a Peschtkranki oder Ussätzigi behandlet wordra. Für mi hets aigentli numma no d Schual und s Lerna gä. I bin teilwiis so down und färtig gsi, dass i bis zu 2 Wucha krank gsi bin und nuno 40 kg gwoga han (binara grössi vo 156-160 cm). Eimol bini so krank gsi, dass sie mi hän müassa in Spitol bringa. Suss wär i gstorba (sait zuminderscht mini Mum). Im Spitol han i Angschtatakana griagt, wenn i allai mitama Arzt im Zimmer gsi bin.
I han niamerem me traut und vertraut (nid amol meh mina Eltara). Alles isch für mi abstossen und agschtiflössend gsi. (Bis vor Kurzem hani immer gluagt, dass im Poschti kai Mah näba mi het könna sitza).
Immer wieder han i öppis gsuchat zum cool z sie. Zum Bischpiel hani mi agfanga andersch azlegga (cooler eba) und han agfanga Hip-Hop losa und Alkohol trinka. Bin immer übers neuschta us dr "Stars- und Sternchenwelt" informiart gsie und han kei ufzgi meh gmacht. Han agfanga fräch zu da Lehrer werda und so Zeugs. Mis problem isch aifach gsie, i bin guat ir Schual gsie (kei Zügnisdurchschnitt unter 5.1). Was zur Folg kha het, dass i als Streber abgstämpflet worda bin. Vorallem han is mit da Lehrer trotz mina Sprüch und minem frächsi guat kha (oder besser, sie hän mi aifach möga). As wiiter problem isch mis einigermassa guata gedächnis gsi, i han mer zum teil sacha gmerkt, wo sich anderi nid gmerkt hän...


D Folga vo dera ganza Sach...

Wenn drei Menscha nid gsi wären, würsch du mi nid kenna. Denn i han mi wella drei mol umbringa. Eimol isches bi minera Grandmum in Basel gsi. I han mi usem dritta Stock wella stürza, aber i han vergässa zum s bad abgschlüssa und drum isch mini Mum rächzitig (oder au nid) inna kho. S zweitamol isches dahai gsi, döta hanis mit ama mässer brobiart. Aber mini Kollegin het genau denn glüta und so bini dra ghinderet worda und s drittamol (das isch nonid so lang här) hanis mit schlfdapeltta wella versuacha, aber für dia bruchsch as rezäpt wenn nonid 18 bisch drum hanis denn sie lo. I han die 4.5 Johr nid lacha könna. Vorallem hani miar igredet, dass i nid hübsch bin und drumm mi nimert mag. I han uuuuuuuuuuu huara lang brucht, bis i wieder einigermassa öpertem "Fremdem" vertraua han könna.
Oft het miar mini Mum gsait, i söll jetzt ändli zumana Psssychüacher go. So könni das nid wiiter go. I han nia wella go, i han immer gsait, mis Tagebuach isch Psychiater gnuag.


Was jetzt mit miar nonid ganz okay isch

I han gmmaint, dass alles guat wird, wenn i mit schaffa afohn, aber dem isch nid so. AM afang isch alles okay gsi. I han mi guat igläbt und bin einigermassa zfrida gsi. Aber denn hani gmerkt, dass i s heu mit minera usbildnerin nid würgli uf dr glicha ebani han. Sie hets nid direkt gsait, aber das gspürt ma. Denn han i zumtail "erfundani" Kopfschmerza kha und han drum Aspirin gschluckt. Laider isches immer meh worda. Und i han immer meh Aspirin gschluckt. Bis miar das zügs nüd meh usgmacht het. I han aifach öppis brucht, zum müad werda und nüd muassa z tua. I han mini Lher wella schmissa (numma dr Biit (Beat Bodenmann) het mi abkhalta). und vorallem trau i immer nonid jedem. As töhnt für di vllt a kli krank, aber i kann nid andersch. Vllt bin i jo doch psychisch gstört, i waiss es nid. und miar ischas au egal!!!


Wia dia Sach wiiterganga isch, nochdäm i us dr Schual kho bin

Als erschts isch denn dr Melchior/Lino/Patrick/Haui dra kho. Sie hen sis Schualzeugs agfanga usem zwaitastock vom Schualhuus z wärfa, sini T-shirts mit Heissliim oder wasserfeschtem Filzstift z bemola oder sini Finger kaputt z macha. Bi miar isches einigemassa besser worda, sie hän nuno achneläll mit Steina, Steina oder Äscht noch miar gworfa. Schlimmer hets eba mis Brüaderli.

So, jetzt waisch so in etwa alles. I hoffa i han di nid glangwiilt, aber du hesches jo wella, drum han is jo gschriiba, aigentli hanis nid wella.

No a schöna obig und an guata Start.

HDUMFL


Andrea

> Es gibt Dinge im Leben, die du nicht ändern kannst, aber lebe dein Leben so, dass du es nicht ändern willst.<
11.11.06 14:52
 


bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)



 Smileys einfügen



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung